دار زيد

-تقييم الجو العام / *مكان جميل وجلسات مريحة واوت دور حلو⭐️ *خدمة سريعة ⭐️ *ويتر متعاون وبشوش ويساعدنا نختار ⭐️ *في الدور الثاني مكان صلاة وهذي النقطة خلتني احس البيت بيتي وارتحت اكثر 🌝⭐️⭐️

مطعم جميل أنصح بزيارته في المناسبات الخاصة سمعت عنه سمعة جميلة دايما وكانت هذي المرة تجربتي الأولى .. كانت تجربة جميلة رغم ارتفاع السعر جيناهم صباح وكان المحل راااايق وتصميم المحل أقرب مايكون لفيلا مفتوحة على بعضها وموزعة بطريقة جميلة الإستقبال كان جميل ولطيف .. اول ماتدخل يبهرك المنظر وجمال العرض والتشكيلة .. حيث يوجد عدة أركان متتابعة للآيسكريم والكيكات والحلويات وحتى التقديمات والسناكات المخصصة للضيافة او للمنزل على حدٍ سواء .. بعدها تدخل على صالة الطعام

المكان رايق، وهادئ وجميل. الموظفين السعوديين رائعين! ذوق في التعامل، الله يسعدهم يارب. لينغويني الليمون كان رهيب. وأخذنا فلات بريد بالبوراتا برضو طعم. بان كيك كلاسيك كان خيالي لذيذ حتى قبل ما تحطوا عليه الإضافات.

لو فيه اكثر من 5 يستاهل ،، المكان جميل وانيق ونظيف ،، الخدمه ممتازه والأسعار طيبه ،، الاكل لذيذ والموظفين ف غاية الذوق واللطف ،، تجربه رائعه وراح تتكرر اكيد❤️❤️

ماشاء الله تبارك الرحمن المكان والأكل والخدمة جميلة جداً الله يسعدهم حبيت المكان كثير مع اضاءة الشمس وأجواء الصباح زرناه وقت الفطور وطلبنا كان فلافل حبيت مو شاربه زيت يعني خفيفة ولذيذة و ميزون البيندكت البيض لذيييذ مرره و فطيرة عكاوي والقهوة فرنش فانيلا كانت مضبوطة و جربنا ايس كريم كوز عندهم نكهة المستكة تجنن لا تفوتكم الأسعار تعتبر مرتفعه شوي بس الخدمة والأكل يخليك تجيهم ثاني موفقين ان شاءالله

المكان جميل وعائلي وهادي واضاءة الشمس جداً جميله فالصباح الجلسات عندهم مريحه وكثير … عندهم جلسات داخليه و خارجيه واهم شي انها نظيفه الاستقبال جداً جميل وسلسل في التعامل مع الموظفين والهدوء فالمكان جداً جميل وخدمتهم جداً رائعه عندهم الضيافة المخبوزات الخاصه لذيذه لذيذه ولا غلطه طعمها طلبي كان فرنش توست السعر غالي شوي بس الكمية كانت كبيره الفرنش لذيذ و الصوص ممتاز جداً ١٠/١٠ المكان جداً مناسب لمة العائلة والاصدقاء اختيار جيد للأطفال عندهم تنوع جميل فالاكل فطور غداء عشاء قاتوه مخبوزات اكرر الزياره لهم لجمال الاكل وتعاون الموظفين 🤝

الاكل كان جدا لذيذ بالاضافه ان كميات الاكل كثيره الصراحه خاصه الفرنش توست كانت كافيه لثلاث اشخاص، وطلبنا كابتشينو وكورتادو قهوتهم حلوه ، واخذنا بيض مع الافوكادو كان لذيذ الصراحه، كان فيه زحمه شوي بس الخدمه ماتاخرت كثير تقييم الاكل 9/10 القهوه 7/10 الحلا 8/10 ككل المطعم يستحق التجربه

بسم الله ماشاء الله من الأماكن المفضله لدي وعن عدة تجارب المكان جدا جميل ومرتب والديكور رائع والموظفين جدا جدا محترمين اسعارهم غاليه نوعا ما لكن عندهم عرض غدا من ٢ الظهر إلى ٦ المغرب من الأحد إلى الخميس اسعار عروض الغداء ٤٩ ٦٩ ١١٩ بصراحة كلها رائعه ولذيذه اتمنى لهم النجاح والتوفيق

المطعم حلو طلبي كان فطور عربي وبان كيك كلو يمي ولزيز بس في مشكلة الذبان ياريت يحلوها ع اساس ابغى استمتع بالجو قعدت برا بس الذبان كان مرا يضايق الخيارات النباتية: متوفر الخصائص الغذائية للطعام: ملائم موقف سيارات: موجود

تجربتي في المطعم كانت ممتازه. الأكل لذيذ ويستاهل التجربه ملاحظتي الوحيده كانت على كمية الأكل جدًا قليله مقارنة بالسعر. طلبت سلطة سيزر وكانت جدًا قليله اتمنى انهم يهتمون للموضوع هذا. راح اكرر الزياره للقهوه والحلويات للتجربه

مطعم مريح ونظيف وخدمة رائعة مع احمد ابراهيم و غلين مشكورين .. يقدموا ضيافه قبل الطلب مشهيه في الحقيقه.. الزياره كانت وقت الافطار اجوائه رايقه كافطار والسعر مناسب انصح بزيارته. موفقين.. إمكانية دخول الكراسي المتحركة: هناك امكانيه لذوي الهمم متوفره

ماشاء الله المطعم ممتاز في كل شيء خصوصا عرض الغداء حقهم كان مميز ورائع. أنا لست من محبي الشوربة بشكل عام ولكن شوربة كريمة الدجاج كانت لذيذة. أخذت معها سلطة سيزر الدجاج و بيتزا ببروني. حتى الاسبرسو عندهم ممتاز.

المطعم رهيب والجو العام حلو الاكل يفوووز صراحة لذيذ والخدمة روعة طلباتنا: مكس جريل 2 متنوع والاستواء مضبوط ٩/١٠ مكرونة لينجويني بالليمون والروبيان ١٠/١٠ ساندويتش فاهيتا ٩/١٠ واخيراً التراميسو كان جيد وطريقة التحضير ممتعة ٨/١٠ بشكل عام المطعم حق فطور بس صار عندهم اطباق متنوعة للغداء والعشاء لذيذ يستحق الزيارة